Само дваесет дена по одлуката на Врховниот суд кој ја прифати ревизијата и ја поништи одлуката на Жупанискиот суд во Сплит поврзана со заедничкото старателство на Северина Вучковиќ и Милан Поповиќ над нивниот син, што предизвика голема бура во јавноста и се даде старателството целосно на таткото, повторно има пресврт.
На седницата одржана на 6 февруари годинава, Жупанискиот суд во Сплит ја повтори претходната одлука според која таткото и мајката на 12-годишното момче се обврзани „да ја вршат родителската грижа спогодбено, заеднички и рамноправно“, пренесува Слободна Далмација.
Според одлуката на тричлениот совет составен од женски судии од Сплит, повторно е одлучено момчето да живее наизменично со мајка си и татко му, 14 дена во месецот, на нивните адреси во Загреб.
„Овој суд смета дека е во најдобар интерес на детето наизменично да поминува време со својот татко и со неговата мајка, без оглед на мислењето изразено на неговиот специјален старател, дека тој сепак би сакал да живее со својата мајка. Но, овој суд не ја засновал својата одлука на исклучиво мислење на детето, бидејќи е во конфликт на лојалност, туку одлуката е донесена врз основа на резултатите од целата постапка“, се вели во одлуката.
