Во обвинителството денеска стигнала кривичната пријава за случајот со нападот врз полицаец кој бил извршен од страна на друг полицаец кој бил ангажиран во обезбедувањето на опозицискиот лидер Христијан Мицкоски.
-За инцидентот денеска е поднесена кривична пријава до ОЈО Скопје и по неа се постапува, велат од Обвинителството.
Обезбедувач веднаш е разрешен од обврските во ВМРО-ДПМНЕ, а техничкиот министер Панче Тошковски денеска изјави дека случајот е расчистен и дека нападот се случил откако завршила анти-дрога акцијата на полицијата, од која дел бил и нападнатиот полицаец.
Министерот за внатрешни работи, Панче Тошковски, обелодени дека Секторот за внатрешна контрола ја завршил постапката, но и потврди дека припадниците на МВР ја завршиле акцијата пред нападот од телохранителот.
