Ротвајлери до смрт искасаа средовечен маж кој џогирал во близина на парк во Манзијана во неделата наутро.
Телото на трчачот било пронајдено околу 08:30 часот, а обидите да се реанимира биле неуспешни.
Пронајденото тело на мажот било со длабоки рани на лицето и рацете. Неговиот идентитет се уште не е утврден.
На местото на несреќата пристигнале полицајци, чувари на паркот, ветеринари и фаќачи на кучиња со пиштоли за шокирање, пишува Ил Месенџеро.
Според првичните информации, од куќа наводно побегнале три ротвајлери, а што точно се случило полицијата се уште истражува.
