Европската унија денеска соопшти дека очекува Израел и Хамас целосно да ги почитуваат пресудите на Меѓународниот суд на правдата.
„Наредбите на Меѓународниот суд на правдата се обврзувачки за страните и тие мора да ги почитуваат. Европската унија очекува нивно целосно, итно и ефективно спроведување“, се вели во соопштението на Европската комисија.
Највисокиот суд на ОН денеска му нареди на Израел да спречи акти на геноцид врз Палестинците и да направи повеќе за да им помогне на цивилите, но не нареди прекин на огнот.
Судот ги повика Хамас и другите вооружени групи во Газа веднаш да ги ослободат сите заложници што ги држат.
