Су-Веи Хсиех и Јан Зиелински го освоија Австралија опен во конкуренција на мешани двојки. Тие ги победија Дезире Кравчик и Нил Скупски во финалето на првиот Грен слем во сезоната.
Мечот траеше два часа, а беше решен по супер тај-брејк.
Дезире и Нил први стигнаа до брејк во првиот сет, но Хсиех и Зиелински имаа одговор, па првиот сет отиде во тај-брејк.
Во тој дел од играта беа забележани дури седум мини-брејка, а на крајот Кравчик и Скупски ја искористија втората сет топка и поведоа.
Дезире и Нил подобро го започнаа вториот сет, направија брејк во шестиот гем, но Хсиех и Зиелински одговорија, а потоа уште еднаш им го одземаа сервисот на ривалите за израмнување.
Хсиех и Зиелински поведоа во супер тај-брејк 4:0, но се вратија Кравчик и Скупски. Имаа дури и меч топка при 9:8, но Хсиех и Зиелински се одбранија, а потоа ја искористија првата меч топка.
Тоа е прв заеднички Грен слем трофеј за Хсиех и Зиелински.
