Западните земји ќе загубат најмалку 288 милијарди долари доколку конфискуваат руски имот, со оглед на предупредувањето на Москва дека ќе одговори со истите мерки, јавија руските медиуми.
Според последните достапни податоци, директните инвестиции на Европската унија, Г7, Австралија и Швајцарија во руската економија на крајот на 2022 година изнесувале 288 милијарди долари.
ЕУ има имот од 223,3 милијарди долари, од кои Кипар поседува 98,3 милијарди долари, Холандија 50,1 милијарди долари, а Германија 17,3 милијарди долари.
Во првите пет најголеми европски инвеститори во руската економија се Франција (16,6 милијарди долари) и Италија (12,9 милијарди долари). На останатите земји отпаѓаат 28,1 милијарди долари.
Меѓу земјите од Г7, најголем инвеститор во руската економија беше Британија – според последните достапни податоци – околу 18,9 милијарди долари на крајот на 2021 година. На крајот на 2022 година, САД – 9,6 милијарди долари, Јапонија 4,6 милијарди долари и Канада 2,9 милијарди долари.
Инвестициите од Швајцарија и Норвешка, што вообичаено ја следат политиката на ЕУ за санкции, на крајот на 2022 година изнесуваат 28,5 милијарди долари, односно 139 милиони долари. Австралија на крајот на минатата година имала 683 милиони долари инвестирани во руската економија.
