Дебитантот во Првата македонска фудбалска лига Воска Спорт од Охрид за да не игра само една сезона во елитното друштво го засилува тимот. Во Охрид пристигна искусниот голман Костадин Захов, кој осум години мина на голот на тетовска Шкендија од каде замина во зимскиов преден рок. Захов со Шкендија освои три шампионски титули во македонското првенство и еден трофејот во Купот на Македонија. Во домашниот шампионат, 36-годишниот голман има над 300 натпревари, како член на Беласица, Вардар, Турново, Брегалница Штип и Шкендија, па Воска ќе биде негов шести клуб во кариерата. Покрај Захов охридскиот прволига денеска го претстави и Антонио Илиевски кој во Воска се сели од албанското првенство, од тимот на Фљамуртари.
Захов од Шкендија се пресели во Воска
