Вчера, во близина на селото Рожден, Кавадаречко, полициски службеници ги привеле С. Ш. (59) од село Кукуречани, Битолско, Ј. Н. (53) од село Долно Ботушје, општина Македонски Брод, и Б. С. (62) од село Лисичани, општина Пласница.
Околу 12.30 часот кај претоварна станица на правно лице од Кавадарци, во близина на рудникот кај селото Мрежичко, Кавадаречко, тие биле забележани како со погоден алат сечат и демонтираат доводен бакарен кабел за напојување со електрична енергија на електромоторите што ја движат транспортната трака од рудникот до фабриката“, велат од МВР.
Лицата се приведени во полициска станица и по документирање на случајот, против нив ќе биде поднесена соодветна пријава.
