Утрински Весник
Спорт

Антони oбвинет и за обид за силување

Антони oбвинет и за обид за силување
Dik 300x250 mk

Откако поранешна девојка го обвини за физички напад, уште две девојки јавно проговорија и посочија дека фудбалерот на Манчестер јунајтед, Антони, физички ги нападнал.

dobivaj vesti na viber

Габриеле Кавалин, поранешната девојка на Антони го обвини фудбалерот за физичко малтретирање, поради што Фудбалскиот сојуз на Бразил го исфрли од националниот тим пред квалификациите за Светското првенство во 2026 година.

Антони ги негира сите обвинувања и изјави дека повеќе од тоа не може да каже поради полициската истрага која е во тек.

Но, сега двете нови девојки објавија дека и тие претрпеле физички напади од бразилскиот фудбалер. Едната е студентката Рајса де Фреитас, која изјавила дека била нападната пред ноќен клуб во Сао Паоло по што морала да побара лекарска помош.

Во вториот случај станува збор за 33. годишната Ингрид Лејн, која во интервју за „ТВ Рекорд“ го потврди нападот од страна на фудбалерот.

„Тоа се случи во октомври. Се обиде да има секс со мене, но јас не сакав. Беше лут и ме турна до ѕидот каде што ја удрив главата”, раскажа Лејн.

Можете да прочитате

Осимен блесна со два гола за Галатасарај, Атлетик Билбао со пресврт до први бодови во Лигата на шампионите

ЕХФ воведува ново натпреварување на ниво на репрезентации

Кошаркарите на Пелистер ја извојуваа својата прва европска победа