Денеска, околу 8 часот, во Богданци, полициски службеници од Секторот за меѓународна полициска соработка – отсек потраги, го лишиле од слобода 26-годишниот Д. Ј. од Богданци, извести МВР.
„Тој бил баран по потерница врз основа на наредба на Казнено-поправната установа ‘Затвор Идризово’ поради бегство од установата. Лицето било осудено на четири години и девет месеци казна затвор за сторено кривично дело по член 418 од Кривичниот законик, а имал за доиздржување три години и еден месец од казната“, соопшти МВР.
Д. Ј. бил спроведен до Казнено-поправната установа „Затвор Идризово“ за доиздржување на казната.
