„Мафијашки пресметки, убиства, кражби, дивеења, киднапирања сред бел ден и пукања со автоматско оружје се реалната слика од 7 годишното мистерување на Оливер Спасовски. 30-годишен командир на полициската станица Ропотово пукал со калашников од тераса, додека други граѓани гледаат и снимаат“, велат од ВМРО-ДПМНЕ.
„Командирите кои ги постави Спасовски и СДС се однесуваат како локални полициски шерифи и наместо да обезбедат безбедност, тие демонтрираат сила и моќ.
Со ваквото однесување командирот на ПС Ропотово кој треба да обезбеди безбедност за граѓаните, истато не само што не го прави, туку им ја загрозува безбедноста и ги вознемирува граѓаните.
Ова ли се тие европски принципи за кои се залага СДС и ДУИ? Само СДС и ДУИ може да промовираат вакви европски вредности каде што полициски службеник пука со калашников“, соопшти ВМРО-ДПМНЕ.
„Спасовски е најодговорен за вакво дивјаштво од првите луѓе на полициските станици.
Спасовски мора да понесе одговорност, бидејќи до сега не успеа како министер да расветли ниту едно убиство.
Истрагата мора да покаже дали командирот на ПС Ропотово нелегално поседувал калашников, бидејќи истото може да го има само Армијата или министертвото, додека за цивили е забрането.
Очекуваме надлежните да поведат соодветна истрага и случајот целосно да биде расветлен.
Одговорност мора да има.
Спасовски веднаш да поднесе оставка. Никој не смее да предизвикува општа опасност и да ја загрозува безбедноста и мирот на граѓаните!“, се додава во соопштението на ВМРО-ДПМНЕ.
