Центарот за управување со кризи известува дека вчера имало вкупно 28 пожари на отворен простор и дека сите се изгаснати.
“Нема активни пожари од вчерашните. Сите 28 пожари од вчера се изгаснати, при што последен и најдолготраен бил пожарот веднаш над селото Смоларе, на планината Беласица, којшто можел да прерасне во опасен и по шумата, а и по селото“, истакнуваат од ЦУК.
Конкретно, шумскиот пожар до горниот дел од с. Смоларе, каде што во близина имало и борова шума што лесно можело да биде зафатена можел да го загрози селото, ако на време не бил детектиран дека се разгорува во неколку наврати и да биде локализиран и гасен. Пожарот бил започнат по гром, поточно молња удрила во суво стебло од костен, по што и започнал на крајот од денот при стемнување. Од страна на локалната месна заедница веднаш бил пријавен на бројот за итни случаи 112 во ЦУК. Пожарникарите брзо интервенирале и го локализирале до ноќните часови, но после 21.00 часот повторно се појавиле чад, а потоа и активно горење, па пожарот потпомогнат од послаб ветер почнал да се разгорува. Мештаните активно се самоорганизирале преку локалната месна заедница да дежураат и до доцна во ноќта го гаселе и го локализирале, а потоа, кога тоа било можно, утрово, со помош на тим од ЈП „Национални шуми“, повторно го доизгасувале по што целосно го изгасиле. Мештаните изразија благодарност на пожарникарите од Струмица и на тимот од локалната подружница на ЈП „Национални шуми“, а и на РЦУК Струмица, за нивниот ангажман и за советите за безбедност при гаснењето на пожарот, велат од ЦУК.
Вчера биле изгаснати следниве 28 пожари:
– Општина Ново Село 2 – кај с. Борисово (висока сува трева, нискостеблеста) и шумски пожар до горниот дел од с. Смоларе,
– Општина Битола 2 – с. Лажец и с. Могила кон с. Радобор (запалено ниска вегетација, стрниште);
-Општина Крушево во с. Алданци (ниска вегетација);
-Општина Прилеп 4 – на улица „Кордун“, с. Дебреште, с. Бело Поле, с. Ропотово, и месност „Маркови кули“ (запалена ниска вегетација и стрништа);
– Општина Ресен 2 – с.Козјак и с. Наколец (сува трева и нискостеблести растенија);
-Општина Богданци над брана „Паљурци“ (запалена нискостеблеста шума);
-Општина Кичево во с. Ивандол, (запалена ниска вегетација);
-Општина Дебар – во месност „Житинско Поле“ (сува трева и стрништа);
-Општина Струга – с.Калишта (запалена ниска вегетација);
-Општина Велес (запалена ниска вегетација и трње и ѓубре);
-Општина Кавадарци с. Манастирец (запалена ниска вегетација);
-Општина Чешиново Облешево 2 – с.Чифлик и селата Три Чешми и Долни Балван (запалено стрниште);
-Општина Ранковце кај с.Опила (запалена стрниште)
-Општина Тетово 5 – с. Волковија, (депонија), а кај и с. Теарце, с. Пршовце, с. Камењане и с. Желино.
(сува трева и ниска вегетација);
-Општина Гостивар 2 – населба „Фазанерија“ и с. Форино, (запалена ниска вегетација)
-Општина Чучер Сандево – кај село Блаце (запалена ниска вегетација и шума).
