Американецот Џон Изнер, кој славно учествуваше во најдолгиот меч во историјата одигран на Вимблдон во 2010, ќе се повлече од професионалниот тенис на САД опен оваа година.
38-годишниот Изнер, кој го совлада Французинот Никола Мау со 6:4/3:6/6:7(7)/7:6(3)/70:68 во епски меч од 11 часа одиграни во три дена пред 13 години, потврди дека се повлекува на Флешинг Медоуз, каде што беше четврт-финалист во 2011 и 2018.
„По повеќе од 17 години на АТП турнејата, дојде време да се збогувам со професионалниот тенис. САД опен ќе биде мојот последен турнир. Транзицијата нема да биде лесна, но едвај чекам да поминувам секоја секунда со моето семејство“, напиша Изнер, кој има четири деца со својата сопруга Меди.
Изнер е лидер на АТП турнејата со 14.111 аса, а девет години (2012-2020) беше највисокорангираниот американски тенисер. Во неговата кариера тој освои 16 титули во сингл и 8 во двојки.
After 17+ years on the @atptour, it’s time to say goodbye to professional tennis. This transition won’t be easy but I’m looking forward to every second of it with my amazing family.
The @usopen will be my final event. Time to lace ‘em up one last time. ❤️ ♥️ 💜 pic.twitter.com/GyRTXGNK8G
— John Isner (@JohnIsner) August 23, 2023
