Министерката за одбрана, Славјанка Петровска преку објава на социјалните мрежи истакна дека се гордее со македонските војници кои им помогнаа на словенечките колеги да изградат мост во Межица, за само неколку денови.
– Северна Македонија стои заедно со пријателската Словенија. Ова е уште еден доказ дека ние сме повеќе од сојузници. Сите сме посилни кога стоиме заедно. Да го продолжиме овој дух на заедништво и помош, секогаш и секаде, напиша министерката.
