Феникс Санс денеска одлучија да ги повлечат броевите 31 и 32 што ги носеа Шон Мерион и Амари’ Стадемаер.
НБА франшизата објави дека Шон „Матрикс“ Мерион и Амари Стадемаер следната сезона ќе влезат во почесниот „Круг на честа“ поради нивниот исклучителен придонес.
Мерион одигра 660 натпревари во девет сезони со Санс, со просек од 18,4 поени, 10 скока, 1,9 украдени топки и 1,4 блокади по натпревар.
Тој е петти по постигнати поени (12.134), втор по скокови (6.616) и украдени топки (1.245) и трет по блокади (894) во историјата на франшизата.
Стадемаер одигра осум сезони и 516 натпревари за тимот на Феникс, со просек од 21,4 поени, 8,9 скока и 1,4 блокади по натпревар.
40. годишникот е седми според бројот на постигнати поени (11.035), трет по скокови (4.613) и петти по блокади (722) во историјата на Санс.
Двајцата ќе станат 16. и 17. играч на Санс со привилегија нивниот дрес да биде повлечен.
