Јапонија планира да започне со испуштање на прочистена радиоактивна вода од нуклеарната централа Фукушима уништена од цунамито, веќе на крајот на август, објави денеска јапонскиот дневен весник Асахи Шимбун, цитирајќи неименувани владини извори.
Објавата најверојатно ќе дојде набргу откако премиерот Фумио Кишида ќе се сретне со американскиот претседател Џо Бајден и јужнокорејскиот претседател Јун Сук Јеол во Соединетите држави следната недела за да ја објаснат безбедноста на водата, пренесе Ројтерс.
Јапонскиот нуклеарен регулатор минатиот месец му даде зелено светло на операторот на централата „Токио Електрик Пауер“ да започне со испуштање вода – за која Јапонија и Меѓународната агенција за атомска енергија велат дека е безбедна, но блиските земји стравуваат дека може да ја загади храната.
Риболовот би требало да започне во септември кај Фукушима, североисточно од Токио, а владата има намера да започне со испуштање вода пред да започне сезоната на риболов, пишува весникот.
