Одличниот американски центар Ентони Дејвис го продолжи договорот со Лос Анџелес Лејкерс, пренесуваат медиумите во Соединетите Американски Држави.
Дејвис се обврза на соработка со ЛА Лејкерс до летото 2028 година и стана најплатениот играч во историјата на НБА, ако се брои годишната заработка.
Еден од најдобрите играчи во лигата го продолжи договорот за уште три сезони, претходниот беше со важност до 2025 година, а ЛА Лејкерс на 30-годишниот кошаркар ќе му плаќаат дури 186.000.000 долари или 62 милиони долари по сезона.
Дејвис ќе заработи неверојатни 270.000.000 долари вкупно во текот на пет сезони.
Претходно соработката со тимот од Лос Анџелес Лејкерс ја продолжи и Леброн Џејмс, па клубот ги заврши двете најважни работи пред почетокот на следната сезона.
Дејвис и Џејмс беа лидери на шампионската генерација на Лејкерс, која донесе шампионски прстен во Лос Анџелес во 2020 година.
