Најмалку 55 лица загинаа, а 135 се повредени во напад на бомбаш самоубиец на митинг во Пакистан, јави „Ен-би-си њуз“.
Експлозијата се случила на собир на поддржувачи на свештеник и политички лидер во областа Баџур, која граничи со Авганистан, соопштија полициските и здравствените власти.
Високиот полициски функционер Назир Кан изјави дека партиската конвенција на проталибанскиот свештеник Фазал ур-Реман се одржувала на периферијата на Кара, главниот град на областа Баџур, кога се случила експлозијата, пренесе АП.
Реман се смета за антиталибански свештеник, а неговата политичка партија е дел од коалициската влада во Исламабад. Низ земјата се организираат состаноци за мобилизирање поддржувачи за претстојните избори во август.
