Ал Ахли, клуб чии дрес го носи македонскиот репрезентативец, Џани Алиоски, до крајот на денот ќе официјализира уште еден трансфер.
Вчера во Ал Ахли пристигна Ријад Марез, а денес се очекува клубот да го засили Алан Сен Максиман (26).
Французинот минатата недела ги заврши лекарските прегледи, а неодамна потпиша и договор. Затоа, нема никакви пречки на неговиот пат кон Саудиска Арабија. Сен Максиман, претходните три сезони го носеше дресот на Њукасл.
Покрај Марез и Сен Максиман во Ал Ахли пристигнаа напаѓачот Роберто Фирмино и голманот Едуард Менди. Исто така во клубот пристигна и новиот тренер, Матијас Џасл, кој до пред два дена го предводеше Салцбург.
