Ричард Мастерс, извршниот директор на англиската Премиерлига вели дека во моментов не е „премногу загрижен“ за растечкото влијание на парите од Саудиска Арабија во фудбалскиот свет.
Кристијано Роналдо си замина од Манчестер јунајтед и потпиша за Ал-Наср во јануари, по што ова лето, голем број на фудбалски имиња му се приклучија, како Карим Бензема, Роберто Фирмино, Калиду Кулибали, а Ал-Ахли денеска даде рекордна понуда од 300 милиони евра за ѕвездата на ПСЖ, Килијан Мбапе.
„Нешто очигледно се случува, а Саудиската Про лига јавно порача дека планира да биде топ 10 лига до 2030 година. Тие инвестираат во играчи и во тренери во обид да го кренат профилот на лигата и на клубовите. На англиската Премиерлига и беа потребни 30 години да дојдеме во позицијата која ја имаме со приходите за клубовите. Во моментов не сум загрижен, а саудиските клубови имаат право да купуваат играчи како сите други. Премиерлигата носи 6 милијарди фунти годишно во приходи и затоа растеме“, вели Мастерс за „Би-би-си“.
