Патничкиот авион кој летал меѓу Милано и Њујорк бил пренасочен на аеродромот во Рим откако бил оштетен во невремето што денеска го погоди северот на Италија.
Како што соопшти американската авиокомпанија „Делта“, авионот морал принудно да слета поради неповолните временски услови, поточно голем град. Авионот слетал нешто пред 14 часот на аеродромот во Рим и патниците безбедно се симнале.
Споделените фотографии покажуваат оштетување на трупот и крилата на авионот.
il volo #DL185 decollato da #Milano #Malpensa diretto a #NewYork Jfk è atterrato a Roma Fiumicino dopo aver dichiarato emergenza salendo in quota, una forte grandinata ha danneggiato varie componenti#meteo #avgeek #maltempo #squawk7000 #hail #aviation pic.twitter.com/00StVGX3mH
— Vola Milano Malpensa [MXP] (@VolaMalpensa) July 24, 2023
„Авионот претрпе одредена штета за време на лошите временски услови. Локалниот тим за одржување ја проверува штетата“, соопшти компанијата.
Невреме денеска го зафати регионот на Ломбардија, каде жена загина откако дрво падна врз неа. Пожарникарите со часови се обидувале да го извлечат телото од под паднатото дрво, додека брзата помош можела само да констатира смрт.
Силно невреме пропратено со град и дожд денеска го погоди северот на Италија.
