Поранешниот голман на Ајакс, Манчестер јунајтед и Јувентус, Едвин ван дер Сар прати порака преку социјалните мрежи од болницата во Холандија каде што се опоравува од мозочниот удар кој го доби додека беше на одмор во Хрватска.
Ван дер Сар беше донесен со хеликоптер во болницата во Сплит со крварење на мозокот, каде што беше поставен во одделот за интензивна нега. Подоцна тој беше пренесен во Холандија и сега вели дека е подготвен за следниот чекор во опоравувањето.
„Прво, сакаме да се заблагодариме на сите за големите пораки за поддршка кои ги добив. Среќен сум што можам да ви соопштам дека излегов од одделот за интензивна нега. Меѓутоа, уште сум во болница и се надевам дека следната недела ќе одам дома и ќе го направам следниот чекор“, напиша Ван дер Сар на социјалните мрежи.
First of all, we want to thank everyone for all the great and supportive messages.
I’m happy to share that I’m no longer in the intensive care unit. However, I’m still in hospital. I hope to go home next week and take the next step in my recovery! pic.twitter.com/3LSNC72ki0
— Edwin van der Sar (@vdsar1970) July 18, 2023
