Поранешниот светски шампион, полскиот ветеран Михал Квјатовски победи на бруталната 13. етапа на Тур де Франс на искачувањето на Гран Коломбие, додека двократниот шампион, Словенецот Тадеј Погачар успеа да надополни 4 секунди од предноста на лидерот Јонас Вингегард.
Квјатковски стигна до соло победа на тешкото искачување, откако се одвои од водечката група на 11 километри пред крајот. Погачар успеа да забрза во последните 500 метри за да се одвои од Вингегард и заврши како трет зад Квјатковски и Максим ван Гилс, и сега има само 9 секунди зад Вингегард пред две тешки планински етапи на Алпите овој викенд.
„И без етапна победа, ова беше победа за мене во борбата за титулата. Тур де Франс е долга трка и мислам дека сум во добра позиција“, призна Словенецот.
Погачар загуби повеќе од една минута на 5. етапа на Кол де Мари Бланк и оттогаш е во офанзива да се врати во борбата со Вингегард.
🏅Second Tour de France stage win for @kwiato, both from the breakaway! Relive the final KM ⤵️
🏅2ème victoire d’étape sur le Tour de France pour @kwiato, toutes deux depuis l’échappée ! Revivez le dernier KM ⤵️#TDF2023 pic.twitter.com/EgDSdpXbOm
— Tour de France™ (@LeTour) July 14, 2023
