Градоначалникот на општина Кисела Вода, Орце Ѓорѓиевски рече дека градоначалничката на град Скопје, Данела Арсовска не може да ја види на терен, на некој проект, туку само како се кара.
– Уште со мене не беше скарана и со граѓаните на Кисела Вода. Еве се скара и со нас, кажа Ѓорѓиевски.
Тој ја обвини Арсовска дека има постојани опструкции кои што произлегуваат, како што рече од нејзините лични фрустрации изминатиов период и со „Водовод“ и со „Комунална Хигиена“.
– За едно обично барање со месеци чекаме. Тоа е класично изживување и лечење на фрустрации, кажа Ѓорѓиевски и додаде дека како политичар секогаш има доблест да каже кога ќе направи грешка.
– Јас длабоко се каам што сум се довел во ситуација да гласам за Арсовска, длабоко се каам, рече градоначалникот на општина Кисела вода.
