Денеска, во 00.10 часот, на подрачјето на Карпош, од полициски службеници од Единицата за внатрешни работи Карпош при СВР Скопје од слобода биле лишени двајца малолетници од Скопје и Струмица.
Тие се сомничат дека сториле кривично дело одземање моторно возило, казниво по член 242 од Кривичниот законик.
Имено, малолетниците од улицата Бранислав Нушиќ во Скопје одзеле мотоцикл „кимко“, со скопски регистарски ознаки, сопственост на Д. П., кој е пронајден кај нив и вратен на сопственикот.
Со малолетниците извршен е разговор во присуство на социјален работник од Јавната установа Меѓуопштински центар за социјални работи. За случајот е известен јавен обвинител, а по негово целосно документирање, ќе биде поднесена соодветна пријава.
