Со нов помирувач, УЈП и синдикалната организација „Солидарност“ утре ќе се состанат на работна средба во врска со барањето за зголемување на платите.
„Назначен е помирувач помеѓу УЈП како работодавач и синдикалната организација Солидарност и утре во 13 часот ќе отпочне процесот на помирување“, велат од УЈП за „Макфакс“.
Вработените од Управата за јавни приходи од 15 јуни бараат зголемување на платите за 30 отсто, а како што најавија, доколку не биде исполнето нивното барање ќе ја активираат одлуката за генерален штрајк.
