Професорката Мирјана Најчевска со свој став на социјалните мрежи околу внесувањето на Бугарите во македонскиот устав.
„Според мене, внесувањето на Бугарите во Уставот на Македонија е гаранција дека ќе започнат преговорите со ЕУ, но и гаранција дека ќе започне процес на агресивна асимилаторска политика на Бугарија кон Македонија“, пишува Најчевска во нејзината објава.
Тоа, како што вели, е гаранција дека Македонија ќе биде ставена во подредена положба во сите натамошни преговори со Бугарија.
„Не е гаранција дека Македонија ќе влезе во ЕУ. Мора да седнеме и да побараме опција која ќе не задржи на европскиот пат, но нема да не стави во подредена положба во однос на Бугарија. За вакво нешто треба да се формираат работни групи а не за меѓусебно убедување и надмудрување“ пишува професорката.
