Голем пожар избувна во станбена зграда во јужен Лондон, а со пожарот се борат 60 пожарникари.
Околу 80 луѓе се евакуирани од зградата, а луѓето се советуваат да ја избегнуваат областа бидејќи осум противпожарни возила и екипи работат на гаснење на пожарот.
#croydon Whitehorse road pic.twitter.com/tGZ3kmwu90
— BANNERWORX (@BANNERWORX) June 7, 2023
Пожарникарите биле повикани околу 17 часот денеска на пожар во станбен блок на Вајтхорс Роуд, Кројдон.
Лондонската противпожарна бригада соопшти дека напредува во гаснењето на пожарот кој зафати дел од првиот, вториот, третиот и четвртиот кат од зградата. Командантот на станицата Крис Јанг, кој е на местото на настанот, изјави:
„Од зградата излегоа околу 80 луѓе. Се очекува патиштата да бидат затворени неколку часа оваа вечер и ги повикуваме луѓето да ја избегнуваат локалната област“, пишува „Дејли мејл“.
Противпожарните екипи од Кројдон, Вудсајд, Волингтон и околните противпожарни станици се на местото на настанот.
Причината за пожарот се уште не е позната.
