Момче во Ливерпул, кое било во зорб топка, од силниот ветер било однесено на шест метри во воздух. Деветгодишното момче зорбираше за време на фестивалот за храна и пијалоци во Саутпорт во неделата, кога беше однесен од силен налет на ветер.
Зорбинг е екстремен вид на спорт или рекреација измислен во Нов Зеланд во кој луѓето се движат во топка направена од полупроѕирна пластика.
Момчето со хеликоптер беше пренесено во детската болница по инцидентот. Тој се здобил со повеќе повреди кои не се опасни по живот.
„Дуваше силен ветер и ја изнесе топката со момчето од вода. Зорбот потоа падна на кофата и пукна, а момчето падна на подот“, рекол еден од сведоците на настанот, а пренесува Дејли мејл.
Полицијата соопшти дека уште една топка била однесена од ветрот, но детето внатре не е повредено.
„Момчето беше во зорб топка на езерото. Топката неочекувано полета во воздух, а потоа слета на тревата“, соопшти полицијата.
