Поранешниот капитен на Арсенал, Гранит Џака, очигледно го потврди заминувањето од „Емирати“ и трансферот во Баер Леверкузен, праќајќи порака до навивачите на „топчиите“ на социјалните мрежи.
По седум години со Арсенал, пред последното коло од Премиерлигата против Вулверхемптон, Швајцарецот преку Инстаграм објави фотографија на која прославува со различни дресови на клубот, титулите кои ги освои (2 од ФА купот и 2 од Комјунити шилд) и порака: „Благодарам, топчии“.
