Смртоносниот пожар во училишен дом во Гвајана се чини дека го подметнала ученичка која била лута што и бил одземен мобилниот телефон, велат официјалните лица.
Деветнаесет лица – главно ученички, загинаа во пожар во јужноамериканската земја во раните утрински часови во понеделникот.
Домот, наводно, бил заклучен и неговите прозорци биле затворени, при што жртвите биле заробени.
Осомничената тинејџерка моментално е во болница со изгореници и наводно признала дека го подметнала пожарот, според АФП.
Пожарот избувнал во бањата и на крајот ја зафатил целата зграда која делумно била направена од дрво и во која тогаш биле сместени 57 ученици.
Покрај загинатите, од кои повеќето ученички, повредени се уште неколку лица.
Локалните медиуми објавија дека пожарот бил толку силен што било потребно ДНК тест за да се идентификуваат некои од жртвите.
