Русија објави налог за апсење на обвинителот на Меѓународниот кривичен суд (МКС), кој во март потпиша налог за апсење на рускиот претседател Владимир Путин за воени злосторства извршени во агресијата против Украина, објавија руските медиуми.
Британскиот судија Карим Ахмед Кан е вклучен во листата на барани лица на руското Министерство за внатрешни работи.
Москва отвори постапка против Ахмед Кан и уште тројца судии на МКС на 20 март, набргу откако МКС издаде налог за апсење на Путин.
Во првиот налог за апсење за агресија во Украина, МКС побара апсење на Путин под сомнение дека е одговорен за нелегална депортација на деца и илегално пренесување на луѓе од територијата на Украина во Руската Федерација.
Под истите обвиненија, МКС издаде и налог за апсење на Марија Алексеевна Лвова-Белова, руски комесар за правата на децата.
И руските власти и Путин ги отфрлаат сите обвинувања за злосторства во инвазијата на Украина, која ја нарекуваат специјална воена операција и тврдат дека Русија е жртва на западната агресија и западните лаги.
