Ники – женско куче од расата германски овчар поминало месеци талкајќи по улиците откога неговиот сопственик починал. Сега е на пат кон закрепнување со своето ново згрижувачко семејство, пишува „Мирор“.
Ужаленото куче талкало држејќи плишана играчка во устата, а неговата судбина станала вирална по фотографија на која шета само на пороен дожд во Детроит.
Првично се мислело дека станува збор за машко куче, па спасувачите го крстиле Николас.
Еден од нив напиша на Фејсбук: „Ние имаме име за него – Николас (сега Ники), во чест на еден млад човек кој не’ напушти прерано. Ова е срцепарателно“.
Како што пишува „Дејли мејл“, кучето талкало по смртта на неговиот сопственик и преживувало благодарение на соседите кои му давале храна или самото наоѓало остатоци.
Коосновачот на добротворна организација за спас на животните, Гејл Монтгомери изјави за „Пипл“: „Добив неколку приватни пораки и фотографии од ова куче како ја носи неговата плишена играчка, а врнеше дожд во центарот на Детроит.
За среќа, Гејл успеал да ја фати Ники и да ја однесе кај ветеринарите во Детроит, Мичиген, на проверка. Вели дека миленичето било целосно вознемирено по траумата од животот низ улиците.
Кучето било најдено со болест на срцеви црви и други внатрешни проблеми. Во нејзиниот стомак имало и пластични кеси, гранчиња и коски.
Додека се лекува, Ники е сместена кај згрижувачко семејство, каде се храни убаво и полека заздравува.
Коментирајќи за нејзиното досегашно закрепнување, еден корисник на социјалните мрежи рече: „Изгледа многу подобро! Ти благодарам многу што ја спаси од кошмарот на животот! Продолжи да се лечиш и да се ослободиш од тие непријатни срцеви црви, Ники. Те сакаме! ”
Друг корисник додаде: „Испраќам молитви и тони љубов за брзо закрепнување Ники“.
