Пари Сен-Жермен, предводени од поранешниот македонски селектор Раул Гонзалез, визираа уште еден билет за настап на Фајнал фор турнирот од ЕХФ Лигата на шампионите во обид да ја освојат престижната титула, победувајќи го и вторпат Кил, овојпат со 32:29 (17:15).
Откако првиот меч во Германија заврши со неочекувано лесна 31:27 победа на францускиот клуб, малкумина би прогнозирале дека Кил е подготвен да направи подвиг во Париз. Домаќините доминираа во првото полувреме, во кое неколку пати имаа и пет гола предност, за на крајот да стигнат до рутинска победа.
Уште еден поранешен вардарец, Даинис Криштопанс беше најефикасен за ПСЖ со шест гола, по пет имаа Лук Стеинс и Петар Ненадиќ, додека за Кил, Петер Оверби заврши со пет гола.
Претходно, Магдебург исто така се пласираше на Ф4 по победата над Висла Плоцк.
