Поглаварот на Римокатоличката црква, папата Франциско, денеска во Ватикан ќе се сретне со претседателот на Украина, Володимир Зеленски. Тој денеска е во работна посета на Италија. Предвидени средби со италијанските политичари меѓу кои претседателот на Италија, Серџо Матарела и премиерката Џорџа Мелони. Детални информации за неговата агенда не се објавјуваат поради безбедносниот протокол.
Оттаму Зеленски ќе отпатува за Германија, каде ќе се сретне со канцеларот Олаф Шолц и претседателот Франк-Валтер Штајнмајер.
Претседателот на Украина утре во Ахен ќе ја прими наградата Карло Велики за придонес за европското единство.
