Во пукотниците што се случија вечерва во Младеновац, Србија три лица загинаа, а седум се ранети. Според неофицијални информации, во престрелката загинале полицаец и неговата сестра.
Како што дознава „Нова.рс“, вооружениот напаѓач ги испукал рафалите од автомобил во движење. Постои сомневање дека пукал од автоматска пушка, а потоа избегал од местото. Сите расположливи полициски сили во моментов се на терен во потрага по вооружениот напаѓач. Засега не е позната состојбата на повредените, меѓу кои има и деца.
Да потсетиме, итните служби повикот го примија нешто по 23 часот. На местото на инцидентот се и припадници на полицијата, а по младиот У.Б., кој има 21 година и е осомничен, е распишана потерница.
