Момчето кое го изврши масакрот во училиштето во Белград на полицијата и раскажа се: „Единствениот пат кога пријавил насилство од врсници било пред две години кога отишол на психолог“, пренесува српски „Блиц“
„Момчето не се кае за злосторството што го направил. На полицијата и кажал се што и како планирал“ – вели извор на „Блиц“ запознаен со случајот.
Според медиумот, Коста Кечмановиќ (13) кој го изврши масакрот во ОУ „Владислав Рибникар“ сам направил молотови коктели кои му биле пронајдени во ранецот.
„Татко му го носеше на стрелиште, многу вежбаше и се виде дека е многу вешт штом го застрела чуварот од 14 метри“, додава изворот за „Блиц“.
Според неговите зборови, Коста пријавил врсничко насилство во школото пред две години, кога бил петто одделение.
„Пријател од групата го удрил, по што му пукнала усната, реагираа од Центарот за социјална работа, Тиршова потоа напишала извештај и родителите биле повикани на разговор. Тоа е единственото насилство пријавено врз Коста“, додава анонимниот извор.
Посочува и дека Коста подолго време одел на посета кај психолог, раскажува тој.
