Охриѓанката Христијана Парулеска го освои сребрениот медал на Европското првенство во ИТФ таеквондо што се одржува во Јесоло, Италија. Таа го одбрани сребрениот медал што го освои минатата година во Пореч, Хрватска.
На овој настап има натпреварувачи од 27 земји, а нашата репрезентација е предводена од претседателот и воедно селектор, Марјанчо Лазарески, заедно со седум репрезентативци.
Во првиот натпреварувалки ден медал за Македонија во женска конкуренција донесе Христијана Парулеска од Охрид.
Покрај Парулеска, Македонија на ЕП ја претставуваат и Давид Крстески, Божидар Димитриевиќ, Владимир Димитриевиќ, Софија Колушоска, Елена Јанеска и Давид Велковски.
