Во невообичаен феномен, градот Истанбул ненадејно беше зафатен во темнина во текот на вчерашниот ден, кога огромен црн облак го прекрил сонцето речиси пет минути.
На социјалните мрежи се прошири видео кое има стотици илјади прегледи, а го прикажува турскиот главен град зафатен во црно и како над градот се наѕира тежок, застрашувачки црн облак.
İstanbul’un üzerinden 7 kilometre kalınlığında bir bulut geçti. Bu esnada 5 dakikada güneş yok oldu, gündüz geceye döndü. Bazı insanlar kıyamet yorumu yaptı. İşte o anlar… 👀 pic.twitter.com/BmJlbSMX5U
— Hava Forum (@HavaForum) April 18, 2023
Како што информираат од Турскиот метеоролошки институт, “облак дебел 7 километри поминал над Истанбул. Во меѓувреме сонцето исчезнало 5 минути, а денот се претворил во ноќ. Некои коментирале дека доаѓа апокалипсата…”
Додека темниот облак се движеше над Истанбул, силен дожд го зафати градот. Необичната сцена ги преплаши граѓаните на турската престолнина.
Сајтот TechnoPixel, кој се занимава со слични метеоролошки феномени, сугерира дека овој густ облак можеби бил особено голем кумулонимбус со темна боја. Кумулонимбусните облаци, познати и како громови, често имаат темна, ниска основа, достигнувајќи само неколку стотици метри над земјата. Тие се единствените облаци кои произведуваат град, грмежи и молњи, а водат и до обилни врнежи. Тие можат да изгледаат екстремно темни бидејќи пропуштаат многу малку или без светлина.
Голем број корисници на Твитер во Истанбул споделија слики додека облакот се наѕира над градот, само за времето да добие поетски пресврт откако облаците поминаа – вклучително и огромно виножито кое доминира на небото на градот.
