Полицијата во Нови Сад интензивно трага по маж кој, како што неофицијално дознаваат белградските медиуми од извор близок до истрагата, запалил количка за бебиња на влезот во стамбена зграда. Се претпоставува дека пироманот го сторил тоа затоа што не добил пари додека просел пред зградата, што наводно го налутило и го натерало да го изврши наведеното дело.
Припадниците на новосадската противпожарна единица брзо излегле на терен и го изгаснале пожарот во кој нема повредени, но во ходникот на зградата е причинета голема материјална штета.
Поради оваа причина, ќе биде потребно да се изврши темелна реконструкција како молерисување, ѕидарски и електротехнички работи, поради целосно уништените ѕидови и стопените прекинувачи во овој дел од станбената зграда.
