Црквата св. Ѓорѓија во Струга беше преплавена со верници за Велигден. Голем број верници во храмот ја дочекаа веста за Христовото воскресение. Жителите на Струга, заедно со иселениците кои празничните денови ги минуваат во родниот крај, си го честитаа празникот со „Христос воскресе – Вистина воскресе“.
Во црквата се одржа литија, во рамки на чествувањето на празникот. Потоа се читаше и од светото Евангелие по Марко.
Чествување имаше и во Охрид, во повеќе цркви.
