Лидерот Наполи затаи со ефикасноста против Верона на домашен терен и ремизираше без голови. Сепак, мислите на Лучијано Спалети и неговите фудбалери се насочени кон реваншот против Милан во Лигата на шампионите.
Македонскиот репрезентативец Елиф Елмас беше стартер на овој меч и играше до 73.минута кога беше заменет од Лоботка. Во второто полувреме шанса да заигра доби и Виктор Осимен, кој се мачеше со повреда во изминатиот период.
