Ракометниот првак Вардар го победи Бутел на гости со 24:30, но остана без крилниот играч Јан Чувара кој го повреди коленото.
Полскиот ракометар во завршница од мечот при еден дуел доби удар во коленото и се повреди. Соиграчите мораа на раце да го изнесат на клупата за резерви за да му биде укажана медицинска помош.
Доколку се покаже дека повредата на Чувара е сериозна, тоа ќе биде голем удар за РК Вардар 1961 во финишот од сезоната кога ќе се решаваат титулите на домашната сцена.
