„Груби е правно неспремен“, велат од ВМРО ДПМНЕ.
„Заканите се најдобра потврда дека владата на Ковачевски крие скандалозни работи и обврски за кои кривично ќе се одговара бидејќи создале финансиски обврски за државата и ја ставиле во подредена позиција. Договорот кој Артан го крие не е никаков класифициран податок. Груби би требало да знае дека странско правно лице (во случајов Бехтел и Енка) не може да бидат создавач на класифицирана информација. Ниту па има закон со кој истиот се прогласува за деловна тајна“, додаваат тие.
Од ВМРО-ДПМНЕ посочуваат дека е добро Груби да одговори со каков степен на доверливост е означен договорот меѓу Владата и Бехтел и Енка и кој е создавачот на класифицираната информација – договорот меѓу Владата и Бехтел и Енка.
„Добро е коалициските ортаци да се договорат, Груби кој вели дека договорот е класифициран, и Каевски кој вели дека не е. И треба да знаат дека затвор не им бега“ завршуваат од партијата.
