Македонскиот кошаркарски репрезентативец Ненад Димитријевиќ со тимот на Уникс Казан обезбеди пласман во полуфиналната серија на ВТБ лигата. Уникс Казан стигна до третата победа во серијата против Парма откако славеше на гости со 52:73.
Димитријевиќ во овој дуел учествуваше со 12 поени, шест асистенции и еден скок.
Уникс Казан во полуфиналната серија ќе го очекува подобриот од дуелот Зенит – МБА Москва, каде и двете екипи досега остварија по една победа.
