Илјадници студенти, наставници и противници на владата протестираа во Будимпешта барајќи реформи во образовниот систем и подобри услови за просветните работници.
Протестот наречен „марш на слободата“, беше повикан од синдикатите на образовните работници и студентските организации, кои со месеци вршат притисок врз унгарската влада да обезбеди зголемување на платите и укинување на законот со кој се ограничува правото на штрајк на наставниците.
Демонстрантите извикуваа слогани како „без наставници нема иднина и штрајк е основно право додека се движеа по една од главните улици во Будимпешта.
Студентски групи и наставници се вклучија во штрајкови, прекин на часовите и други акти на граѓанска непослушност во последниве месеци, откако владата не ги исполни нивните барања, што доведе до отпуштање на неколку наставници, според АП.
