45-годишен маж е прогласен за виновен и осуден на условна затворска казна од шест месеци поради непримерно допирање на келнерка во кафуле, јавува Даница. 45-годишникот, кој е оженет и има две деца, нема да оди во затвор доколку во следните две години не направи сличен прекршок.
Судијата го прифати предлогот на државното правобранителство и обвинетиот го осуди на условна затворска казна и исплата на 100 евра за трошоците на кривичната постапка. Пријавениот, наведеното кривично дело го сторил во јули минатата година, додека со другарите од 15 до 21 часот бил во кафеаната Мараскино во Лучко, при што конзумирале алкохолни пијалоци.
„За да го задоволи сопствениот сексуален нагон, во неколку наврати, секогаш кога келнерката се приближувала до масата и го послужувала, игнорирајќи го нејзиното одбивање и предупредувањата да не ја допира, тој со рацете ја допирал по лицето, рацете и нозете и ја пуштал неговата рака под нејзиното здолниште“, објави судијата.
„Истовремено ја допирал и ја фатил за задникот. Значи, извршил блудно дејствие со друго лице без нејзина согласност, при што сторил кривично дело против полова слобода – блудно дејство“, додала судијата. Во текот на истрагата беа сослушани обвинетиот и жртвата, како и три жени сведоци од кафулето кои дадоа исказ против обвинетиот.
