Полицијата приведе 27-годишник и малолетно дете за кражба на стоматолошка ординација во селото Неготино, Гостиварско.
Кражбата била извршена на 8 март, а крадците фатени веќе следниот ден, велат од полицијата.
„Приведениот 27-годишен Ф. Х. и малолетникот се сомничат дека извршиле тешка кражба во магацин на стоматолошка ординација во селото, сопственост на И. Х. (62). Кај Ф. Х. биле пронајдени и одземени дел од предметите што потекнуваат од кражбата“, велат од МВР.
Двајцата биле задржани во Полициската станица Гостивар и по целосно расчистување на случајот, ќе следуваат соодветни пријави.
