Нотингем форест и Евертон одиграа типично англиско „дерби на дното“ со многу прекини, фаули и остра игра за 2:2 реми на „Сити граунд“.
Демарај Греј ги донесе Евертон во водство по само 10 минути игра со гол од пенал, за најдобриот талент на Нотингем, 21-годишниот Бренан Џонсон да израмни во 19. минута. Тимот на Шон Дајч повторно дојде во водство десет минути подоцна преку Абдулаје Дукуре, но во борбеното второ полувреме, во кое беа доделени шест жолти картони, Форест успеа да израмни повторно преку Џонсон во 77. минута од мечот.
Нотингем сега се 14. место со 26 поени, додека Евертон остануваат во зоната за испаѓање на 18. место со 22 поени.
