Иранскиот претседател Ебрахим Раиси ги обвини странските непријатели за серијата труења во училиштата за девојки во Иран. Досега необјаснетите труења во повеќе од 30 училишта во најмалку четири града започнаа во ноември минатата година во светиот шиитски град Кома, по што некои родители престанаа да ги испраќаат своите деца на училиште.
Иранскиот министер за здравство вчера изјави дека стотици девојчиња се отруени, а некои политичари шпекулираа дека зад тоа стојат верски групи кои се противат на образованието на девојчињата. Во телевизиски говор на југот на земјата, Раиси ги обвини надворешните непријатели на Иран за нападите.
„Тоа е проект за предизвикување хаос во земјата каде што непријателот сака да влее страв меѓу родителите и учениците“, рече претседателот. Тој не прецизираше за кои непријатели станува збор, но иранските лидери редовно ги обвинуваат САД и Израел дека работат против Иран.
